Monday, July 14, 2014

இஸ்லாமிய திருமணம்-3

இஸ்லாமிய திருமணம் தொடர்ச்சி...
பெண்ணின் பொறுப்பாளர்:
மனப் பெண்ணின் சம்மதம் அவசியம் என்றாலும்
ஒரு பெண் தான் திருமணத்தை நடத்திக் கொள்ள
அனுமதிக்கவில்லை. மாறாக அவளது பூரண
சம்மதத்துடன் அவளது பொறுப்பாளர் தான்
நடத்தி வைக்க வேண்டும். மணமகன் சார்பில்
இத்தகைய பொறுப்பாளர் எவரும் தேவையில்லை
.
பொறுப்புள்ள நபரின் முன்னில்லையில்
திருமணம் நடக்கும் போது பெண்களை
வஞ்சகமாக ஏமாற்றும் ஆண்களிடமிருந்து
பெண்களுக்கு பாதுகாப்புக் கிடைக்கிறது.

பெண்களுக்குச் சேரவேண்டிய மகர் தொகை
போன்றவற்றைப் பெற்றுத் தருவதற்கும் பெண்கள்
சார்பில் பொறுப்பாளர் அவசியம்.
(அல்லாஹ்வுக்கு) இணைவைக்கும் பெண்களை-
அவர்கள் நம்பிக்கை கொள்ளும் வரை- நீங்கள்
திருமணம் செய்து கொள்ளாதீர்கள்;.
இணை வைக்கும் ஒரு பெண், உங்களைக்
கவரக்கூடியவளாக இருந்தபோதிலும்,
அவளைவிட முஃமினான ஓர் அடிமைப் பெண்
நிச்சயமாக மேலானவள். ஆவாள்;
அவ்வாறே இணைவைக்கும் ஆண்களுக்கு-
அவர்கள் நம்பிக்கை கொள்ளும் வரை (முஃமினான
பெண்களுடன்) நீங்கள் திருமணம்
செய்து வைக்காதீர்கள்;. இணை வைக்கும் ஆண்
உங்களுக்குக் கவர்ச்சியூட்டுபவனாக இருந்த
போதிலும், ஒரு முஃமினான
அடிமை அவனைவிட மேலானவன்;
(நிராகரிப்போராகிய) இவர்கள், உங்களை நரக
நெருப்பின் பக்கம் அழைக்கிறார்கள்;. ஆனால்
அல்லாஹ்வோ தன் கிருபையால் சுவர்க்கத்தின்
பக்கமும், மன்னிப்பின் பக்கமும் அழைக்கிறான்;.
மனிதர்கள் படிப்பினை பெருவதற்காக தன்
வசனங்களை அவன் தெளிவாக விளக்குகிறான்.
(221) (அல் குரான் 2:221) .
இணை கற்பிக்கும் பெண்கள்
நம்பிக்கை கொள்ளும்
வரை அவர்களை மணக்காதீர்கள்
என்று ஆண்களுக்கு கட்டளையிடும் இறைவன்,
இணை கற்பிக்கும் ஆண்கள் நம்பிக்கை கொள்ளும்
வரை அவர்களுக்கு(உங்கள் பெண்களை)
மணமுடித்து கொடுக்காதீர்கள்
என்று அதே வசனத்தில் கூறுகிறான்.
உங்களில் எவருக்குச் சுதந்திரமுள்ள முஃமினான
பெண்களை விவாகம் செய்து கொள்ள
சக்தியில்லையோ, அவர்கள் முஃமினான
அடிமைப்பெண்களிலிருந்து உங்கள் வலக்கரங்கள்
சொந்தமாக்கிக் கொண்ட
பெண்களை (மணமுடித்துக் கொள்ளலாம்;).
அல்லாஹ் உங்கள் ஈமானை நன்கு அறிகிறவன்.
உங்களில் சிலர் சிலரைச் சேர்ந்தவர்கள்;.
ஆகவே முஃமினான அடிமைப்
பெண்களை அவர்களின் எஜமானர்களின்
அனுமதி கொண்டு, மணமுடித்துக்
கொள்ளுங்கள் - அவர்களுக்குரிய (மஹர்)
தொகையை முறைப்படிக் கொடுத்து விடுங்கள்;.
அப்பெண்கள் பரிசுத்தமானவர்களாகவும்,
விபச்சாரம் செய்யாதவர்களாகவும் கள்ளநட்புக்
கொள்ளாதவர்களாகவும் இருக்க வேண்டும்.
எனவே, அப்பெண்கள் முறைப்படி திருமணம்
முடிக்கப்பட்டபின் மானக்கேடாக
நடந்து கொண்டால், விவாகம் செய்யப்பட்ட
சுதந்திரமான பெண்கள் மீது விதிக்கப்படும்
தண்டனையில்
பாதியே அப்பெண்களுக்கு விதிக்கப்பெறும்;.
தவிர, உங்களில் எவர் தன்னால் பாவம்
ஏற்பட்டுவிடும் என்று(அல்லாஹ்வுக்குப்)
பயப்படுகிறாரோ - அவருக்குத்தான் இந்த சட்டம்.
எனினும் நீங்கள் பொறுமையாக
இருப்பது உங்களுக்கு மிகவும் நல்லதாகும்;.
இன்னும் அல்லாஹ் மன்னிப்போனாகவும், மிக்க
கருணையுடையோனாகவும் இருக்கின்றான். (25)
(அல் குரான் 4:25).
ஆண்கள் தாமாகவே திருமணம் செய்யலாம்
என்பதையும், பெண்களுக்கு அவர்களின்
பொறுப்பாளர்கள் இல்லாவிட்டால் சமுதாய
தலைவர்கள் முன்னின்று நடத்தி வைக்க
வேண்டும் என்பதையும்
இவ்வசனத்திலிருந்து அறிந்து கொள்ளலாம்.
பொறுப்பாளர் இன்றி திருமணம் கிடையாது
என்று நபிகள் நாயகம்(ஸல்) அவர்கள்
கூறினார்கள். (அறிவிப்பவர்: அபூமூஸா (ரலி)
நூல்கள்: திர்மிதி 1020, அபூதாவூத் 1785).
இன்ஷா அல்லாஹ் தொடரும்...