Friday, August 09, 2013

குடும்ப உறவைச் சேர்த்து வாழ்வோம்!



குடும்ப உறவைச் சேர்த்து வாழ்வோம்!

இஸ்லாத்தில் குடும்ப உறவைச் சேர்ந்து வாழும்படியும் அதன் அவசியம்படியும் அதன் முக்கியத்துவம் பற்றியும் புனித குர்ஆனிலும் ஹதீஸ்களிலும் நிறையவே வலியுறுத்தியிருக்கின்றன.
இன்று எம் மத்தியில் அதிகமானோர் குடும்ப உறவைத் துண்டித்து வாழ்ந்து கொண்டிருக்கின்றனர். குடும்ப உறவைவிட நண்பர்களும் பிரபலர்களுமே இவர்களால் மதிக்கப்படுகின்றனர். இது மிகவும் கவலைக்குரிய விடயமாகும். இரத்த உறவு என்பது, அல்லாஹ்வின் அர்ஷோடு தொடர்புபடுத்தப்படுகின்றது. இது பற்றி நபிகள் நாயகம் (ஸல்) அவர்கள் பின்வருமாறு உருவகப்படுத்தி விளக்கியுள்ளார்கள்.
இரத்த உறவானது அல்லாஹ்வின் அர்ஷ¤டன் தொடர்பு பட்டிருக்கும். (அந்த அர்ஷின் அருகிலிருந்து) இரத்த உறவு சொல்லும் ‘யார் என்னைச் சேர்ந்து நடந்து கொள்கின்றாரோ அல்லாஹ்வும் அவருடனான தொடர்பைப் பேணிக்கொள்கின்றான். யார் என்னைத் துண்டித்து வாழ்கின்றாரோ அல்லாஹ்வும் அவருடனான உறவைத் துண்டித்துக் கொள்கின்றான். (புஹாரி)
தனக்குரிய அருட் பாக்கியங்கள் (ரிஸ்க்) விரிவாக்கப்பட்டு தனது ஆயுட் காலம் நீடிக்கப்பட வேண்டும் என்று யார் விரும்புகின்றாரோ, அவர் தனது இரத்த உறவுகளைச் சேர்ந்து நடந்து கொள்ளட்டும். (புஹாரி, முஸ்லிம்).
அல்லாஹ்வினுடைய நேசத்தைப் பெறுவதற்காக இன பந்துக்களுக்கும் அநாதைகளுக்கும் ஏழைகளுக்கும் வழிப்போக்கர்களுக்கும் யாசகர்களுக்கும்… செல்வத்தை கொடுத்து (உதவி செய்வீராக) (அல்குர்ஆன் 2:177).
பிரதி உபகாரத்தை எதிர்பார்த்து உறவைப் பேணுபவன் பூரணமாக உறவைப் பேணுபவனாக இருக்க மாட்டான். தனது உறவினர்கள் உறவை முறித்துக் கொள்ள முற்பட்டாலும் அவர்களுடனான தொடர்பை வலுப்படுத்தி அவர்களுக்கான உரிமைகளை வழங்குபவனே உறவைப் பூரணமாகப் பேணி நடந்து கொள்பவனாவான். (புஹாரி)
மற்றொரு சந்தர்ப்பத்தில், ஒரு மனிதன் நபிகள் நாயகம் (ஸல்) அவர்களிடத்தில் வந்துதான் தனது உறவினர்களிடத்தில் உறவைப் பேணி நல்ல விதமாக நடந்து கொண்ட போதிலும் அவர்கள் அதனை அலட்சியப்படுத்தி மோசமாகவே நடந்து கொள்கின்றார்கள் என முறையிட்டார். அதாவது எனக்கு உறவினர்கள் இருக்கின்றார்கள்.
(அவர்களை நான் மதித்து) அவர்களுக்குரிய உரிமைகளை வழங்குகின்றேன். ஆனால் அவர்களோ எனக்குரிய உரிமைகளை வழங்குவதில்லை. நான் அவர்களுடன் நல்லவிதமாக நடந்து கொள்கின்றேன். ஆனால் அவர்கள் என்னுடன் மோசமாகவே நடந்து கொள்கின்றனர். நான் அவர்களால் ஏற்படுகின்ற அசெளகரியங்களை சகித்துக் கொள்கிறேன். ஆனால் அவர்கள் என்னுடன் மோசமாக நடக்கின்றனர் என்றார்.
அதற்கு நபிகள் நாயகம் (ஸல்) அவர்கள், நீர் குறிப்பிட்டது போலவே அவர்களுடன் நீர் நடந்து கொண்டால் அது அவர்களின் மீது சுடு சாம்பலைக் கொட்டியதைப் போல் இருக்கும். நீர் இதே பண்பில் தொடர்ந்து இருந்தால் அல்லாஹ் உமக்கு காலமெல்லாம் உதவிய வண்ணமிருப்பான் என்று உபதேசித்தார்கள். (முஸ்லிம்)
அல்லாஹ்வையே வணங்குங்கள். அவனுக்கு யாதொன்றையும் இணையாக் காதீர்கள். பெற்றோருக்கு நன்றி செய்யுங்கள். (அவ்வாறே) உறவினருக்கும் அநாதைகளுக்கும் ஏழைகளுக்கும் அண்டை வீட்டிலுள்ள உறவினருக்கும்… (அன்புடன் நன்றி செய்யுங்கள்). எவன் கர்வங் கொண்டு, பெருமையாக நடக்கின்றானோ அவனை நிச்சயமாக அல்லாஹ் நேசிப்பதில்லை. (அல்குர்ஆன் 4:36).
இஸ்லாத்தின் போதனைகள் இவ்வாறிருக்க இன்று சில குடும்ப உறவுகள் அழிவின் விளிம்பில் இருந்து கொண்டிருக்கின்றன. குடும்ப உறவுகள் பேணப்படாததால் பல குடும்பங்கள் நலிவுற்று, பொருளாதார ரீதியாகவும் மானசீக ரீதியாகவும் பாதிப்படைந்திருக்கின்றன. இந்த நிலையை மாற்றி குடும்பங்களில் செழிப்புற்று விளங்க இஸ்லாம் கூறிய பிரகாரம் குடும்ப உறவைச் சேர்ந்து வாழ்வோமாக.
எந்தவொரு சமுதாயம் தாமாகத் தம்மை மாற்றிக் கொள்ளவில்லையோ நிச்சயமாக அல்லாஹ்வும் அவர்களை மாற்றி விடுவதில்லை.
(அல்குர்ஆன் 13:11).
ஜாபிர் (ரழியல்லாஹு அன்ஹு) அவர்கள் அறிவிக்கிறார்கள். “நபி (ஸல்லல்லாஹு அலைஹி வஸல்லம்) அவர்கள் பெருநாள் தொழுகைக்காகச் செல்கின்றபோது ஒரு பாதையால் செல்வார்கள். திரும்புகின்றபோது மற்றnhரு வழியால் திறும்புவார்கள்.” (ஸஹீஹு முஸ்லிம்)

பெருநாள் தினத்தில் எமது சகோதர-சகோதரிகள், இனபந்துக்கள், அன்பர்களை, நண்பர்கள், உற்றார் உறவினரை அரவணைப்பது, ஆதரிப்பது, அவர்களுக்கு உதவிக்கரம் நீட்டுவது அவர்களுடனான உறவைப் பலப்பலப்படுத்திக் கொள்வது, பகைமை இருந்தால் அதனை அல்லாஹ்வுக்காக மன்னித்து உறவைப் புதுப்பித்துக் கொள்வது...போன்ற உன்னத கூலிகளைப் பெற்றுத் தரக்கூடிய அம்சங்களில் கூடிய கவனம் செலுத்த வேண்டும். குறிப்பாக, எமது பெற்றNhர், சகோதர, சகோதரிகள் உட்பட இரத்த உறவினர்களுடனான உறவுகளை பலப்படுத்திக் கொள்ள ஈதுல் அழ்ஹா பெருநாள் உதவும்.

“குடும்ப உறவை முறித்துக் கொண்டவன் சுவனம் நுளைழய மாட்டான்” என்று ரஸூலுல்லாஹி (ஸல்லல்லாஹு அலைஹி வஸல்லம்) அவர்கள் எச்சரிக்கை விடுத்திருக்கிறார்கள்.

மூன்று நாட்களுக்கு அதிகமாக ஒருவர் தனது சகோதரனை பகைத்துக் கொண்டிருப்பது ஆகுமானதல்ல (ஹராம்) என்று நபி (ஸல்லல்லாஹு அலைஹி வஸல்லம்) அவர்கள் கடுமையாக எச்சரித்திருக்கிறார்கள்.

மனிதர்கள் தவறிழைக்கக் கூடியவர்கள் பலவீனமானவர்கள் என்பதனால் நாம் எமது வீட்டில், காரியாலயத்தில், ஊரில் சக மனிதர்களோடு உறவாடுகின்றபோது பகைமை ஏற்பட்டிருக்கும் சிலரோடு அதிருப்தியடைந்திருப்போம் மற்றும் சிலரோடு கோபித்துக் கொண்டிருப்போம். இவற்றையெல்லாம் போக்கிக் கொள்வதற்கான அரியதொரு சந்தர்ப்பமாக இத்தினத்தை நாம் பயன்படுத்திக் கொள்ள வேண்டும்.

ஒரு மனிதன் உலகில் இரண்டு விடயங்களை அடிப்படைத் தேவையாகக் கருதுகிறான். ஒன்று, நீண்ட ஆயுள் கிடைக்கவேண்டும் என விரும்புவது. இரண்டாவது தன்னுடைய வாழ்வாதாரத்தில் பரகத் கிடைக்க வேண்டும் என்பது.
“யார் தனது ஆயுள் அதிகரிக்க வேண்டும் என, அவருடைய வாழ்வாதாரத்தில் பரகத் அமைய வேண்டும் என விரும்புகிறரோ அவர் தனது இனபந்துக்களை சேர்ந்து நடக்கட்டும்” என்று நபி (ஸல்லல்லாஹு அலைஹி வஸல்லம்) அவர்கள் சொன்னார்கள்.

இரத்த உறவைப் பேணி வாழ்ந்தால், தன் குடும்பத்தினருடன் நெருக்கமான உறவைப் பேணி வாழ்ந்தால் சுகமாக வாழலாம், நீண்ட ஆயுளைப் பெறலாம், மாதாந்த செலவினத்தைக் கட்டுப்படுத்தி மிச்சம் பிடித்துக் கொள்ளலாம் என்று பலரும் நினைக்கிறார்கள். ஆனால், இதன் மூலம் அவர்களது வாழ்வாதாரத்தில் விஸ்தீரணம் ஏற்படப் போவதில்லை என நபி (ஸல்லல்லாஹு அலைஹி வஸல்லம்) அவர்கள் சொல்லிச் சென்றிருக்கிறார்கள்.

இனபந்துக்களுடனான உறவைத் துண்டித்து, குறைத்துக் கொண்டு அவர்களை அனுசரிக்காமல், அரவணைக்காமல் சுயநலமிகளாக வாழ்கின்ற மனிதர்கள் அவர்கள் நினைத்தது போன்று ஆரோக்கியமாக வாழ முடியாது அவர்களது நாளாந்த செலவினம் குறைவடையாது. அதற்கு மாற்றமான விளைவையே அவர்கள் அனுபவிப்பார்கள். இதனை நாம் இன்று நடைமுறையில் காண்கின்றோம்.

இந்த மார்க்கம் ஓர் அற்புதமான மார்க்கம். எமக்குத் தேவையான அத்தனை வழிகாட்டல்களும் இந்த மார்க்கத்தில் உண்டு. மனிதன் இந்த உலகிர் மகிழ்ச்சியாக வாழ நிறைவோடு, நிம்மதியாக வாழ, ஆரோக்கியதுடன் நீண்ட ஆயுளைப் பெற்று வாழ்வதற்கான அற்புதமான வழிகாட்டல்களை இந்த மார்க்கம் வழங்கியிருக்கின்றது.

அத்தகைய வழிகாட்டலில் ஒன்றுதான், எமது உற்றார் உறவினர்களை, இரத்த பந்தங்களை நாம் எந்தளவு தூரம் சேர்ந்து நடக்கிறNhமோ அந்தளவுக்கு அல்லாஹுத் தஆலா எமது வாழ்வாதாரத்தில், ஆயுளில் விஸ்தீரணத்தை ஏற்படுத்துவான். இது ரஸூலுல்லாஹி (ஸல்லல்லாஹு அலைஹி வஸல்லம்) அவர்களின் வாக்கு என்பதனை நாம் மறந்து விடக் கூடாது.


அபூ  சல்மான்.
இலங்கை

Sunday, August 04, 2013

லைலதுல் கத்ர் ஓர் நோக்கு

بسم الله الرحمن الرحيم

லைலதுல் கத்ர் ஓர் நோக்கு
அன்புச் சகோதரர்களே! ரமழான் மாதத்தின் 27 வது இரவு வந்து விட்டால் அதுதான் லைலதுல் கத்ர் என்று குறிப்பிட்டுக் கூறி அந்த இரவை மாத்திரம் சிறப்பித்துக் கொண்டாடும் ஒரு நிலை முஸ்லிம்கள் மத்தியில் காணப்படுகின்றது, இது நபி வழிக்கு உற்பட்டதா என்றால்?! 27 வது இரவை மாத்திரம் கொண்டாடுவது நபிவழியல்ல என்பதை நாம் முதலாவது விளங்கவேண்டும்.
  • இறைத்தூதர்(ஸல்) அவர்கள் கூறினார்கள்: “ரமளானின் கடைசிப் பத்து நாள்களில் உள்ள ஒற்றைப்படை இரவுகளில் லைலத்துல் கத்ரைத் தேடுங்கள்!” என ஆயிஷா(ரலி) அவர்கள் அறிவித்தார்கள். (புஹாரி: 2017, முஸ்லிம்)
  • இறைத்தூதர்(ஸல்) அவர்கள் கூறினார்கள்: “ரமளானின் கடைசிப் பத்து நாள்களில் லைலத்துல் கத்ரை தேடுங்கள்! ‘லைலத்துல் கத்ரை இருபத்தொன்றாவது இரவில், இருபத்து மூன்றாவது இரவில், இருபத்து ஐந்தாவது இரவில் தேடுங்கள்!” என இப்னு அப்பாஸ்(ரலி) அவர்கள் அறிவித்தார்கள்.  (புகாரி:2021, முஸ்லிம்)
மேலும் நபியவர்கள் அந்த இரவை 21 வது இரவில் கண்டுகொண்டதாக நபித் தோழர்கள் குறிப்பிடும் போது நாம் எப்படி 27 லில் மாத்திரம் தேடலாம்.
  • அபூ ஸயீத்(ரலி) அறிவித்தார்கள்:நாங்கள் நபி(ஸல்) அவர்களுடன் ரமளானின் நடுப்பக்கத்தில் இஃதிகாஃப் இருந்தோம். அவர்கள் இருபதாம் நாள் காலையில் வெளியே வந்து எங்களுக்கு உரை நிகழ்த்தினார்கள். (அவ்வுரையில்) ‘எனக்கு லைலத்துல் கத்ர் இரவு காண்பிக்கப்பட்டது; பின்னர், அது எனக்கு மறக்கடிக்கப்பட்டுவிட்டது. எனவே, நீங்கள் கடைசிப்பத்து நாள்களின் ஒற்றைப் படை இரவுகளில் அதைத் தேடுங்கள்! நான் (லைலத்துல் கத்ரில்) ஈரமான களி மண்ணில் ஸஜ்தா செய்வது போல் (கனவு) கண்டேன்! எனவே, யார் என்னோடு இஃதிகாஃப் இருந்தாரோ அவர் திரும்பவும் வரட்டும்!” என்றார்கள். நாங்கள் திரும்பச் சென்றோம். வானத்தில் ஒரு மெல்லிய மேகப் பொதியைக் கூட அப்போது நாங்கள் காணவில்லை. திடீர் என ஒரு மேகம் தோன்றி மழை பொழிந்தது. அதனால், பள்ளிவாசலின் கூரையில் தண்ணீர் ஒழுகியது. அந்தக் கூரை பேரீச்சை மட்டையிலினால் அமைந்திருந்தது. தொழுகைக்கு இகாமத் சொல்லப்பட்டதும் நபி(ஸல்) அவர்களை ஈரமான களிமண்ணில் ஸஜ்தா செய்யும் நிலையில் கண்டேன். அவர்களின் நெற்றியில் களிமண்ணின் அடையாளத்தை பார்த்தேன்.  (புஹாரி: 2016)
மேலும் அந்த இரவு இதுதான் என்பது மறைக்கப்பட்டதில் மக்களுக்கு நலவு இருக்கின்றது என்று நபியவர்கள் கூறியிருக்கும் போது, அந்த இரவை குறிப்பிட்டுக் கூற யாருக்கும் அதிகாரம் இல்லை. எனவே 27 வது இரவை மாத்திரம் கொண்டாடுவது தவராகவே இருக்கும்.
  • உபாதா இப்னு ஸாமித்(ரலி)அவர்கள் அறிவித்தார்கள்:லைலத்துல் கத்ர் பற்றி எங்களுக்கு அறிவிப்பதற்காக நபி(ஸல்) அவர்கள் புறப்பட்டார்கள். அப்போது இரண்டு முஸ்லிம்கள் சச்சரவு செய்து கொண்டிருந்தனர். நபி(ஸல்) அவர்கள், ‘லைலத்துல் கத்ரை உங்களுக்கு அறிவிப்பதற்காக நான் புறப்பட்டேன்; அப்போது இன்னாரும் இன்னாரும் சச்சரவு செய்து கொண்டிருந்தனர். எனவே, அது (பற்றிய விளக்கம்) நீக்கப்பட்டுவிட்டது! அது உங்களுக்கு நன்மையாக இருக்கலாம்! எனவே, அதை இருபத்தொன்பதாம் இரவிலும், இருபத்தேழாம் இரவிலும், இருபத்தைந்தாம் இரவிலும் தேடுங்கள்!” எனக் கூறினார்கள்.  (புஹாரி: 2023)
அடுத்து; அந்த இரவை எப்படி உயிர்ப்பிப்பது என்றால், நபியவர்கள் உயிர்பித்த பிரகாரமே நாம் உயிர்பிக்க வேண்டும், நபியவர்கள் அந்த இரவை அடைவதற்கெண்று என்ன செய்தார்கள் என்று பார்த்தால் பின்வருமாறு நோக்கலாம்.
1- நபியவர்கள் கடைசிப் பத்து நாட்களில் இஃதிகாப் இருந்தார்கள்.
  • இப்னு உமர்(ரலி)அவர்கள் அறிவித்தார்கள்: “நபி(ஸல்) அவர்கள் ரமளானின் கடைசிப் பத்து நாள்களில் இஃதிகாஃப் இருப்பார்கள்!” (புஹாரி: 2025, முஸ்லிம்)
  • ஆயிஷா(ரலி)அவர்கள் அறிவித்தார்கள்: “நபி(ஸல்) அவர்கள் மரணிக்கும் வரை ரமளானின் கடைசிப் பத்து நாள்களில் இஃதிகாஃப் இருந்தார்கள்; அவர்களுக்குப் பின், அவர்களின் மனைவியர் இஃதிகாஃப் இருந்தனர்!” (புஹாரி: 2026)
2- தன் வேட்டியை இருக்கக் கட்டிக்கொள்வார்கள். என்றால் படுக்கைக்கு செல்லமாட்டார்கள்.தம் மனைவியரை எழுப்பி விடுவார்கள், இரவை முழுக்கவும் ஹயாத்தாக்குவார்கள்.
  • ஆயிஷா(ரலி) அவர்கள் அறிவித்தார்கள்: (ரமளானின் கடைசிப்) பத்து நாள்கள் வந்துவிட்டால் நபி(ஸல்) அவர்கள் தன் வேட்டியை இருக்கக் கட்டி  (இல்லறத் தொடர்பை நிறுத்தி)க் கொள்வார்கள்; இரவை உயிர்ப்பிப்பார்கள்; (இறைவனை வணங்குவதற்காகத்) தம் குடும்பத்தினரை எழுப்பிவிடுவார்கள்!”  (புஹாரி: 2024)
3- அந்த இரவை அடைந்தால் நபியவர்கள் சொல்லுமாறு கற்றுக் கொடுத்த வார்த்தை.
  • ஆயிஷா (றழி) அவர்கள் நபிகளாரிடம்: அல்லாஹ்வின் தூதரே! லைலதுல் கத்ர் இதுதான் என்று அடையாளப்படுத்திக் கொண்டால் என்ன சொல்லவேண்டும்; என்று கேடக, நபியவர்கள்”اللَّهُمَّ إِنَّكَ عُفُوٌّ تُحِبُّ الْعَفْوَ فَاعْفُ عَنِّي” அல்லாஹும்ம இன்னக அபுவ்வுன் துஹிப்புல் அப்வ ப்fஃபு அன்னீ என்று கூறு” என்று சொல்லிக் கொடுத்தார்கள். (திர்மிதீ: 3513 ,அஹ்மத்)
குறிப்பு: 1- பொதுவாக நபியவர்கள் தம் மனைவியரை இரவு வணக்கத்தை முடித்துவிட்டு வித்ருக்காகவே எழுப்புவார்கள்.
  • ஆயிஷா(ரலி)அவர்கள் அறிவித்தார்கள்: :நான் நபி(ஸல்) அவர்களின் விரிப்பில் குறுக்கே உறங்கிக் கொண்டிருக்கும் பொழுது நபி(ஸல்) அவர்கள் இரவில் தொழுவார்கள், வித்ரு தொழ எண்ணும்போது என்னை எழுப்புவார்கள். நானும் வித்ரு தொழுவேன்.  (புஹாரி: 997)
2- லைலதுல் கத்ர் இரவை நான் கண்டுகொண்டால் என்ற ஆயிஷா நாயகியின் கேள்வி அடையாளங்களை வைத்து அறிய முடியும் என்பதே. இன்று நாம் குறிப்பிட்டு 27 தான் என்று சொல்வதல்ல.
எனவே இந்த இரவுக்கென்று நபியவர்கள் தராவீஹ் என்று வேராகவும், கியாமுல் லைல் என்று வேராகவும் தொழுதார்களா? அதற்கு ஆதாரம் இருக்கின்றதா??
இந்த இரவை ஹயாத்தாக வென்று நபிகளார் தௌபா மஜ்லிஸ் நடத்தினார்களா? அதற்கு என்ன ஆதாரம்??
மேலும் இன்று நடப்பது போன்று கிளிப் பிள்ளை தௌபா அன்று நடந்ததா? அல்லது நபியவர்கள் ஒவ்வொரு நாளும் அவரவர்கள் சொல்ல கற்றுக் கொடுத்தார்களா?
  • நபி(ஸல்) அவர்கள் கூறினார்கள்: மக்களே! நீங்கள் அல்லாஹ்வின் பக்கம் தௌபா செய்து மீழுங்கள், ஏனெனில் நான் ஒரு நாளைக்கு நூறு விடுத்தங்கள் அல்லாஹ்விடம் மன்னிப்புத் தேடுகின்றேன். (புஹாரி: புஹாரி, முஸ்லிம்: 2742)
  • இறைத்தூதர்(ஸல்) அவர்கள் கூறினார்கள்’ ‘அல்லாஹும்ம! அன்த்த ரப்பீ. லா இலாஹ இல்லா அன்த. கலக்தனீ. வஅன அப்துக. வஅன அலா அஹ்திக, வ வஃதிக மஸ்ததஃது. அஊது பிக மின் ஷர்ரி மா ஸனஃது. அபூஉ லக பிநிஃமதிக அலய்ய, வஅபூஉ லக பிதன்பீ. பGக்fபிர்லீ. fபஇன்னஹு லா யGக்பிருத் துனூப இல்லா அன்த’ என்று ஒருவர் கூறுவதே தலைசிறந்த பாவமன்னிப்புக் கோரலாகும். (பொருள்: அல்லாஹ்! நீயே என் அதிபதி. உன்னைத் தவிர வேறு இறைவன் இல்லை. நீயே என்னைப் படைத்தாய். நான் உன் அடிமை நான் உனக்குச் செய்து கொடுத்த உறுதி மொழியையும் வாக்குறுதியையும் என்னால் இயன்ற வரை நிறைவேற்றியுள்ளேன். நான் செய்தவற்றின் தீமைகளிலிருந்து உன்னிடம் பாதுகாப்புக் கோருகிறேன். நீ எனக்கு அருட் கொடைகளை வழங்கியுள்ளாய் என்பதை நான் ஒப்புக்கொள்கிறேன். மேலும், நான் பாவங்கள் புரிந்துள்ளதையும் உன்னிடம் (மறைக்காமல்) ஒப்புக்கொள்கிறேன். எனவே, என்னை மன்னிப்பாயாக! ஏனெனில், பாவத்தை மன்னிப்பவன் உன்னைத் தவிர வேறெவரும் இல்லை.இந்தப் பிரார்த்தனையை நம்பிக்கையோடும் தூய்மையான எண்ணத்தோடும் பகலில் கூறிவிட்டு அதே நாளில் மாலை நேரத்திற்கு முன்பாக இறப்பவர் சொர்க்கவாசிகளில் ஒருவராக இருப்பார். இதை நம்பிக்கையோடும் தூய்மையான எண்ணத்தோடும் இரவில் கூறிவிட்டுக் காலை நேரத்திற்கு முன்பே இறந்துவிடுகிறவரும் சொர்க்கவாசிகளில் ஒருவராக இருப்பார்.  (புஹாரி: 6306)
எனவே நபிகளார் காட்டிக் கொடுக்காத முறையில் தௌபா செய்தால் அது ஏற்கப்படுமா??
மேலும் திக்ரு மஜ்லிஸுகளும், ஸலவாத்து மஜ்லிசுகளும், தௌபா மஜ்லிஸுகளும் ஒலிபெருக்கியில் நடத்தப்படுகின்றது இது சரிதானா??
  • (ஆகவே, முஃமின்களே!) உங்களுடைய இறைவனிடம் பணிவாகவும், அந்தரங்கமாகவும் பிரார்த்தனை செய்யுங்கள் – வரம்பு மீறியவர்களை நிச்சயமாக அவன் நேசிப்பதில்லை.(7:55)
  • (நபியே!) நீர் உம் மனதிற்குள் மிக்க பணிவோடும், அச்சத்தோடும் (மெதுவாக) உரத்த சப்தமின்றி காலையிலும், மாலையிலும் உம் இறைவனின் (திருநாமத்தை) திக்ரு செய்து கொண்டு இருப்பீராக! (அவனை) மறந்து விட்டிருப்போரில் ஒருவராக நீர் இருக்க வேண்டாம். (7:205)
  • அபூ மூஸா அல்அஷ்அரீ(ரலி) அவர்கள் அறிவித்தார்கள்: நாங்கள் இறைத்தூதர்(ஸல்) அவர்களுடன் இருந்தோம். நாங்கள் ஒரு பள்ளத்தாக்கில் (உள்ள மேடான பகுதியில்) ஏறும்போது, ‘லா இலாஹ இல்லல்லாஹ் – வணக்கத்திற்குரியவன் அல்லாஹ்வைத் தவிர வேறு யாருமில்லை” என்றும் ‘அல்லாஹு அக்பர் – அல்லாஹ் மிகப் பெரியவன்” என்றும் கூறி வந்தோம். (ஒரு கட்டத்தில்) எங்கள் குரல்கள் உயர்ந்துவிட்டன. அப்போது நபி(ஸல்) அவர்கள், ‘மக்களே! உங்களைக் கட்டுப்படுத்தி உள்ளத்தால் திக்ரு செய்து கொள்ளுங்கள். (அவசரப்படாதீர்கள். மென்மையாக, மெல்லக் கூறுங்கள்.) ஏனெனில், நீங்கள் காது கேட்காதவனையோ, இங்கில்லாதவனையோ அழைக்கவில்லை. அவன் உங்களுடனேயே இருக்கிறான். அவன் செவியேற்பவன்; அருகிலிருப்பவன் (இறைவனான) அவனுடைய திருப்பெயர் நிறைவானது. அவனுடைய மதிப்பு உயர்ந்தது” என்று கூறினார்கள்.  (புஹாரி:6610… ,முஸ்லிம்)
எனவே அன்புச் சகோதரர்களே! நபி வழிக்கு முரணாக நாம் அமல் செய்தால் அவைகள் தட்டப்படும், மட்டுமல்லாமல் நாம் குற்றம் பிடிக்கப்பட்டு நபிகளாரின் கௌசர் நீர்த் தடாகத்திலிருந்தும் விரட்டப்படுவோம்.
  • நபி (ஸல்) அவர்கள் கூறினார்கள்: யாராவது ஒருவன் எமது ஏவல் (வழிகாட்டல்) இல்லாத ஒரு அமலை செய்தால் அது தட்டப்படும்.  (முஸ்லிம்: 1718)
  • நபி (ஸல்) அவர்கள் கூறினார்கள்: மறுமைநாளில் என் தோழர்களில் சிலர் என்னிடம் (‘அல்கவ்ஸர்’) தடாகத்திற்கு வருவார்கள். அப்போது அவர்கள் (அல்கவ்ஸர்) தடாகத்தைவிட்டு விரட்டப்படுவார்கள். உடனே நான் ‘இறைவா! (இவர்கள்) என் தோழர்கள்’ ‘(இறைவா!) இவர்கள் என்னைச் சேர்ந்தவர்கள்’  என்பேன். அதற்கு இறைவனால் ‘உங்களுக்குப் பின்னால் இவர்கள் (புதிது புதிதாக) உருவாக்கியது குறித்து உங்களுக்குத் தெரியாது.என்று சொல்லப்படும். உடனே நான் ‘எனக்குப் பின்னால் (தம் மார்க்கத்தை) மாற்றிவிட்டவர்களை இறைவன் தன் கருணையிருந்து அப்புறப்படுத்துவானாக! அவர்களை இறைவன் தன் கருணையிலிருந்து அப்புறப்படுத்துவானாக!’ என்று (இரண்டு முறை) கூறுவேன்.  (புஹாரி: 6584, 6585,..முஸ்லிம்)
எனவே நபியவர்கள் எப்படி அந்த இரவை ஹயாத்தாகினார்களோ அந்த அமைப்பில் ஹயாத்தாக்கி நாமும் மறுமை வெற்றியை அடைய முயற்சிப்போம். அல்லாஹ் அதற்கு துணை புரிவானாக!!
வஆகிரு தஃவானா அனில் ஹம்து லில்லாஹி றப்பில் ஆலமீன்.
MURSHID ABBASI

இஸ்லாம் சம்மந்தமான முக்கியமான தகவல்களை அறிய clik செய்யவும்.http://www.murshidabbasi.com

Friday, August 02, 2013

ஃபித்ரா எனும் நோன்புப் பெருநாள் தர்மம்



ஃபித்ரா எனும் நோன்புப் பெருநாள் தர்மம்
ஃபித்ரா எனும் தர்மம் கட்டாயம் நிறைவேற்ற வேண்டிய தர்மமாகும். முஸ்லிமான ஆண்கள், பெண்கள், அடிமைகள், சிறுவர்கள் மீது இது கடமையாகும்.
முஸ்லிமான அடிமை, சுதந்திரமானவர், ஆண், பெண், பெரியவர் மற்றும் சிறுவர் மீது நோன்புப் பெருநாள் தர்மமாக ஒரு ஸாவு கோதுமை, அல்லது ஒரு ஸாவு பேரீச்சையை நபிகள் நாயகம் (ஸல்) அவர்கள் விதியாக்கினார்கள்.
அறிவிப்பவர்: இப்னு உமர் (ரலி) , நூல்: புகாரி 1503
ஒருவர் தமது பராமரிப்பில் உள்ள அனைவருக்காகவும் இந்தத் தர்மத்தை வழங்குவது அவசியம் ஆகும்.
ஒரு ஸாவு என்பது சுமார் இரண்டரைக் கிலோ கொண்ட ஒரு அளவாகும்.
நமது பராமரிப்பில் ஐந்து நபர்கள் இருந்தால் தலைக்கு இரண்டரைக் கிலோ அரிசி வீதம் பன்னிரண்டரைக் கிலோ அரிசியை வழங்க வேண்டும். இதுவே ஃபித்ரா எனப்படுகிறது.
ஃபித்ராவின் நோக்கம்
இரண்டு காரணங்களுக்காக ஃபித்ரா எனும் இந்தத் தர்மம் கடமையாக்கப்பட் டுள்ளது.
நோன்பாளியிடமிருந்து ஏற்பட்ட வீணான காரியங்களை விட்டும் நோன் பாளியைத் தூய்மைப்படுத்தவும், ஏழை களுக்கு உணவாகவும் நபிகள் நாயகம் (ஸல்) அவர்கள் ஃபித்ரா தர்மத்தை விதியாக்கினார்கள்.
அறிவிப்பவர்: இப்னு அப்பாஸ் (ரலி), நூல் : அபூதாவூத் 1371, இப்னுமாஜா 1817
நோன்பு நோற்றவர்களுக்கு நோன்பில் ஏற்பட்ட தவறுகளுக்குப் பரிகாரமாக இது அமைகிறது. ஏழைகளுக்கு உணவளித்த நன்மையும் கிடைக்கிறது. நோன்பு வைக்காத சிறுவர்கள், நோயாளிகள் போன்றோர்களின் சார்பில் வழங்கும் போது ஏழைகளுக்கு உணவளித்த நன்மை மட்டும் கிடைக்கும்.
கொடுக்கும் நேரம்
மக்கள் (பெருநாள்) தொழுகைக்குச் செல்வதற்கு முன்னால் ஃபித்ரா தர்மத்தை வழங்கிவிட வேண்டும் என்று நபிகள் நாயகம் (ஸல்) அவர்கள் கட்டளையிட்டிருந்தார்கள். அறிவிப்பவர்: இப்னு உமர் (ரலி), நூல்: புகாரி 1503, 1509
இந்த ஹதீஸை ஆதாரமாகக் கொண்டு பெருநாள் தினத்தில் சுப்ஹுக்குப் பின், பெருநாள் தொழுகைக்கு முன் ஃபித்ரா கொடுக்க வேண்டும் என்று சில சகோதரர்கள் கருதுகிறார்கள்.
பெருநாள் தொழுகைக்கு முன் பெருநாள் தினத்தில் ஃபித்ரா கொடுக்க வேண்டும் என்றும் இந்த ஹதீஸிலிருந்து பொருள் கொள்ள இயலும்.
பெருநாள் தொழுகைக்குப் பின்னால் கொடுக்கக் கூடாது. எத்தனை நாட்களுக்கு முன்னாலும் கொடுக்கலாம் எனவும் இந்த ஹதீஸிலிருந்து பொருள் கொள்ளலாம்.
பெருநாள் தொழுகைக்கு முன் என்பதை இரண்டு விதமாகவும் புரிந்து கொள்ள இடமிருந்தாலும் வேறு பல ஹதீஸ்களை ஆராயும் போது, “பெருநாள் தொழுகைக்குப் பின்னர் கொடுக்கும் அளவுக்கு தாமதிக்கக் கூடாது. பெரு நாளைக்கு சில நாட்களுக்கு முன்னால் கொடுக்கலாம்என்ற கருத்தே சரியானது என்பது உறுதியாகிறது.
ரமலான் ஸகாத்தைப் பராமரிக்கும் பொறுப்பில் நபிகள் நாயகம் (ஸல்) அவர்கள் என்னை நியமித்திருந்தார்கள். அப்போது ஷைத்தான் வந்து அதிலிருந்து எடுக்கலானான். உடனே நபிகள் நாயகம் (ஸல்) அவர்களிடம் உன்னைக் கொண்டு செல்வேன்என்று நான் கூறினேன். அதற்கு அவன் எனக்குக் குடும்பம் உள்ளது. எனக்குக் கடும் தேவை உள்ளதுஎனக் கூறினான். அவனை நான் விட்டு விட்டேன். காலையில் நான் நபிகள் நாயகம் (ஸல்) அவர்களிடம் சென்ற போது, “நேற்றிரவு உன் கைதி என்ன ஆனான்?” என்று கேட்டார்கள். அல்லாஹ்வின் தூதரே! அவன் வறுமையை முறையிட்டதால் இரக்கப்பட்டு அவனை விட்டு விட்டேன்என்று கூறினேன். அதற்கு நபிகள் நாயகம் (ஸல்) அவர்கள் அவன் உன்னிடம் பொய் சொல்லியுள்ளான். மீண்டும் உன்னிடம் வருவான்என்று கூறினார்கள். நான் அவனுக்காக காத் திருந்தேன். அவன் மீண்டும் வந்து உணவை அள்ள ஆரம்பித்தான். அவனைப் பிடித்து உன்னை நபிகள் நாயகத்திடம் கொண்டு போகப் போகி றேன்என்று கூறினேன். எனக்கு வறுமை உள்ளது. குடும்பம் உள்ளது. இனி வர மாட்டேன்என்று அவன் கூறினான். அவனை நான் விட்டு விட்டேன். காலையில் நபிகள் நாயகம் (ஸல்) அவர்களிடம் நான் சென்ற போது, “உன் கைதி என்ன ஆனான்?” என்றார்கள். அவன் கடுமையான தேவையை முறையிட்டான். இரக்கப்பட்டு அவனை விட்டு விட்டேன் எனக் கூறினேன். அவன் உன்னிடம் பொய் சொல்லியிருக்கிறான். மீண்டும் வருவான்என்று நபிகள் நாயகம் (ஸல்) கூறினார்கள். நான் அவனுக்காகக் காத்திருந்தேன். மூன்றாவது நாளும் வந்தான்…. என்ற ஹதீஸ் புகாரியில் வகாலத் என்ற பாடத்தில் பதிவு செய்யப்பட்டுள்ளது.
சுருக்கமாக புகாரி 3275, 5010 ஆகிய எண்களில் கூறப்பட்டுள்ளது.
இந்த ஹதீஸில் ஃபித்ரா என்று கூறப்படவில்லை. ரமளான் ஜகாத் என்று தான் கூறப்பட்டுள்ளது. இது ரமளான் மாதத்தில் ஜகாத்தைத் திரட்டுவதையே குறிக்கிறது. ஃபித்ராவை குறிக்கவில்லைஎன்று சிலர் வாதிடுகின்றனர். இந்த வாதம் தவறாகும்.
ஜகாத் என்பது ஆண்டு தோறும் ரமளானில் மட்டும் திரட்டப்படும் நிதி அல்ல. அன்றாடம் திரட்டப்பட்டுக் கொண்டே இருக்கும். ஆனால் ரமளான் ஜகாத்என்ற சொல் ஃபித்ராவை மட்டும் தான் குறிக்கும்.
இதை நாம் சுயமாகக் கூறவில்லை. பின்வரும் ஹதீஸிலிருந்து இதை அறிந்து கொள்ளலாம்.
ரமளான் ஸகாத்தை அடிமை, சுதந்திரமானவன், ஆண், பெண் அனைவர் மீதும் ஒரு ஸாவு பேரிச்சம் பழம் அல்லது ஒரு ஸாவு கோதுமை என்று நபிகள் நாயகம் (ஸல்) அவர்கள் நிர்ணயித்தார்கள் என்ற ஹதீஸ் நஸாயீ 2453, 2455 ஆகிய எண்களில் பதிவு செய்யப்பட்டுள்ளது.
ஒவ்வொருவருக்கும் ஒரு ஸாவு என்று ரமளான் ஜகாத்தை ஏற்படுத் தினார்கள்என்பது ஃபித்ராவைத் தான் குறிக்கும். ஜகாத்தைக் குறிக்காது. ஜகாத் என்பது ஆளுக்கு ஆள் வேறுபடும். அனைவருக்கும் ஒரு ஸாவு என்று ஜகாத் வசூலிக்கப்படாது.
எனவே அபூஹுரைரா (ரலி) சம்பந்தப் பட்ட ஹதீஸ் ஃபித்ராவையே குறிக்கிறது.
எனவே நோன்புப் பெருநாள் தர்மம் மக்களிடம் திரட்டப்பட்டது என்பதற்கும் இது ஆதாரமாக அமைந்திருக்கிறது. திரட்டும் பணியை பெருநாளைக்கு மூன்று நாட்களுக்கு முன்னதாகவே ஆரம்பிக்கலாம் என்பதற்கும் இது ஆதரமாக அமைந்துள்ளது.
ஃபித்ரா தர்மத்துக்காக திரட்டப்பட்ட பொருட்கள் குறைந்தபட்சம் மூன்று நாட்கள் அபூஹுரைரா (ரலி) அவர்களின் பொறுப்பில் இருந்துள்ளது. மூன்று நாட்களும் ஷைத்தான் (அல்லது கெட்ட மனிதன்) வந்து அதை அள்ளியிருக்கிறான் என்பதிலிருந்து பெருநாளைக்கு சில நாட்களுக்கு முன்பாகவே ஃபித்ரா வைத் திரட்டலாம் என்பது தெரிகிறது.
நபித் தோழர்கள் நோன்புப் பெரு நாளைக்கு ஒருநாள் அல்லது இரண்டு நாட்களுக்கு முன் ஃபித்ராவைக் கொடுத்து வந்தனர் என்று புகாரி 1551-வது ஹதீஸ் கூறுகிறது.
நபிகள் நாயகம் (ஸல்) அவர்கள் வாழும் போதே நடந்ததை இது குறிக்கும் என்றால் இது மற்றொரு ஆதாரமாக அமையும். நபிகள் நாயகம் (ஸல்) அவர்களின் காலத்துக்குப் பின்னர் நபித் தோழர்கள் இவ்வாறு கொடுத்து வந்தார்கள் என்பது இதன் கருத்தாக இருந்தால் அபூஹுரைரா (ரலி) அவர்களின் அறிவிப்பை உறுதி செய்வதாக இது அமையும்.
எனவே, நோன்புப் பெருநாளைக்குச் சில நாட்களுக்கு முன்பே ஃபித்ராவைத் திரட்டலாம் என்பதில் சந்தேகம் இல்லை. பெருநாள் தொழுகை ஆரம்பமாகும் வரை அதன் கடைசி நேரம் உள்ளது